Ductore sic te prævio Vitemus omne noxium. Per te sciamus da PATREM, Noscamus atque FILIUM, Teque utriusque SPIRITUM Credamus omni tempore. DEO PATRI sit gloria Ejusque soli FILIO, Cum SPIRITU Paraclito Nunc et per omne sæculum. Amen. Temp. Pasch. DEO PATRI sit gloria, Et FILIO, qui a mortuis Surrexit, ac Paraclito, In sæculorum sæcula. Amen. Sequence. VENI, SANCTE SPIRITUS, Et emitte cœlitus Lucis tuæ radium. Veni, PATER pauperum Veni, dator munerum; Veni, lumen cordium. Consolator optime, Dulcis hospes animre, Dulce refrigerium. In labore requies, In æstu temperies, In fletu solatium.