Ant. A solis ortu usque ad occasum laudabile nomen DOMINI, et Mariæ matris ejus.
R. Ant. Refugium est. Psalm, cxviii. RETRIBUE servo tuo, vivifica me: * et custodiam sermones tuos. Revela oculos meos, * et considerabo mirabilia de lege tua. Incola ego sum in terra, * non abscondas a me mandata tua. Concupivit anima mea desiderare justificationes tuas * in omni tempore. Increpasti superbos: * maledicti qui declinant a mandatis tuis. Aufer a me opprobrium, et contemptum, * quia testimonia tua exquisivi. Etenim sederunt principes, et adversus me loquebantur: * servus autem tuus exercebatur in justificationibus tuis. Nam et testimonia tua meditatio mea est: * et consilium meum justificationes tuae. Adhæsit pavimento anima mea: * vivifica me secundum verbum tuum. Vias meas enuntiavi, et exaudisti me: * doce me justificationes tuas. Viam justificationum tuarum instrue me, * et exercebor in mirabilibus tuis. Dormitavit anima mea præ tædio: * confirma me in verbis tuis. Viam iniquitatis amove a me, * et de lege tua miserere mei. Viam veritatis elegi: * judicia tua non sum oblitus. Adhæsi testimoniis tuis, DOMINE: * noli me confundere. Viam mandatorum tuorum cucurri, * cum dilatasti cor meum. Gloria PATRI, etc.
Ant. Refugium est in tribulationibus Mariæ nomen omnibus illud invocantibus. I. Ant. In universa terra. Psalm, cxxv. IN convertendo DOMINUS captivitatem Sion, * facti sumus sicut consolati. Tunc repletum est gaudio os nostrum, * et lingua nostra exultatione. Tunc dicent inter gentes: * magnificavit DOMINUS facere cum eis. Magnificavit DOMINUS facere nobiscum: * facti sumus lætantes. Converte, DOMINE, captivitatem nostram, * sicut torrens in austro. Qui seminantin lacrymis,*in exultatione metent. Euntes ibant, et flebant, * mittentes seminasua. Venientes autem venient cum exultatione * portantes manipulos suos. Gloria PATRI, etc.
Ant. In universa terra admirabile est nomen tuum, O Maria. A. Ant. Annuntiaverunt. Psalm, cxxii. AD te levavi oculos meos, * qui habitas in cœlis. Ecce sicut oculi servorum * in manibus dominorum suorum. Sicut oculi ancillæ in manibus dominæ suæ: * ita oculi nostri ad DOMINUM DEUM nostrum, donec misereatur nostri. Miserere nostri, DOMINE, miserere nostri, *quia multum repleti sumus despectione. Quia multum repleta est anima nostra, * opprobrium abundantibus, et despectio superbis. Gloria PATRI, etc.
Ant. Annuntiaverunt cœli nomen Mariæ, et viderunt omnes populi gloriam ejus. V/. Sit nomen Virginis Mariæ benedictum. R/. Ex hoc nunc et usque in saeculum. Oremus. CONCEDE, quæsumus, omnipotens DEUS, ut fideles tui, qui sub sanctissimæ Virginis Mariæ Nomine et protectione lætantur; ejus pia intercessione a cunclis malis liberentur in terris, et ad gaudia aeterna pervenire mereantur in caelis. Per CHRISTUM DOMINUM, etc.