Sacra Scriptura

1 Petri 3

1. 1 similiter mulieres subditae suis viris ut et si qui non credunt verbo per mulierum conversationem sine verbo lucri fiant

   Patres ante-Nicaeni · 3

   • Clement of Alexandria (1)
   • Tertullian (1)
   • Tertullian (1)

2. 2 considerantes in timore castam conversationem vestram

3. 3 quarum sit non extrinsecus capillaturae aut circumdatio auri aut indumenti vestimentorum cultus

   Patres ante-Nicaeni · 2

   • Cyprian (1)
   • Tertullian (1)

4. 4 sed qui absconditus cordis est homo in incorruptibilitate quieti et modesti spiritus quod est in conspectu Dei locuples

   Patres ante-Nicaeni · 1

   • Cyprian (1)

5. 5 sic enim aliquando et sanctae mulieres sperantes in Deo ornabant se subiectae propriis viris

6. 6 sicut Sarra oboediebat Abrahae dominum eum vocans cuius estis filiae benefacientes et non timentes ullam perturbationem

   Patres ante-Nicaeni · 2

   • Apostolic Teaching and Constitutions (1)
   • Ignatius (1)

7. 7 viri similiter cohabitantes secundum scientiam quasi infirmiori vaso muliebri inpertientes honorem tamquam et coheredibus gratiae vitae uti ne inpediantur orationes vestrae

   Patres ante-Nicaeni · 2

   • Origen (1)
   • Tertullian (1)

8. 8 in fine autem omnes unianimes conpatientes fraternitatis amatores misericordes humiles

   Patres ante-Nicaeni · 1

   • Clement of Alexandria (1)

9. 9 non reddentes malum pro malo vel maledictum pro maledicto sed e contrario benedicentes quia in hoc vocati estis ut benedictionem hereditate possideatis

   Patres ante-Nicaeni · 3

   • Apocrypha of the New Testament (1)
   • Polycarp (1)
   • Tertullian (2)

10. 10 qui enim vult vitam diligere et videre dies bonos coerceat linguam suam a malo et labia eius ne loquantur dolum

11. 11 declinet autem a malo et faciat bonum inquirat pacem et persequatur eam

    Patres ante-Nicaeni · 1

    • Tertullian (1)

12. 12 quia oculi Domini super iustos et aures eius in preces eorum vultus autem Domini super facientes mala

13. 13 et quis est qui vobis noceat si boni aemulatores fueritis

    Patres ante-Nicaeni · 2

    • Apostolic Teaching and Constitutions (1)
    • Clement of Alexandria (1)

14. 14 sed et si quid patimini propter iustitiam beati timorem autem eorum ne timueritis et non conturbemini

15. 15 Dominum autem Christum sanctificate in cordibus vestris parati semper ad satisfactionem omni poscenti vos rationem de ea quae in vobis est spe

    Patres ante-Nicaeni · 1

    • Origen (2)

16. 16 sed cum modestia et timore conscientiam habentes bonam ut in eo quod detrahunt vobis confundantur qui calumniantur vestram bonam in Christo conversationem

17. 17 melius est enim benefacientes si velit voluntas Dei pati quam malefacientes

18. 18 quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu

    Patres ante-Nicaeni · 5

    • Cyprian (1)
    • Origen (1)
    • Polycarp (1)
    • Tertullian (1)
    • Tertullian (1)

19. 19 in quo et his qui in carcere erant spiritibus veniens praedicavit

    Patres ante-Nicaeni · 4

    • Clement of Alexandria (2)
    • Hippolytus (1)
    • Irenaeus (1)
    • Tertullian (1)

20. 20 qui increduli fuerant aliquando quando expectabat Dei patientia in diebus Noe cum fabricaretur arca in qua pauci id est octo animae salvae factae sunt per aquam

    Patres ante-Nicaeni · 7

    • Apostolic Teaching and Constitutions (1)
    • Clement (1)
    • Cyprian (2)
    • Irenaeus (2)
    • Tertullian (1)
    • The Pastor of Hermas (1)
    • The Twelve Patriarchs (1)

21. 21 quod et vos nunc similis formae salvos facit baptisma non carnis depositio sordium sed conscientiae bonae interrogatio in Deum per resurrectionem Iesu Christi

    Patres ante-Nicaeni · 3

    • Cyprian (1)
    • Tertullian (1)
    • Tertullian (1)

22. 22 qui est in dextera Dei profectus in caelum subiectis sibi angelis et potestatibus et virtutibus

    Patres ante-Nicaeni · 1

    • Polycarp (1)