Post Sacram Communionem tradite oratur. Auctore incognito, saeculo XIV; diu iuncta Exercitiis Spiritualibus sancti Ignatii de Loyola, qui eam in principio posuit quamvis non composuerit.
Anima Christi, sanctifica me.
Corpus Christi, salva me.
Sanguis Christi, inebria me.
Aqua lateris Christi, lava me.
Passio Christi, conforta me.
O bone Iesu, exaudi me.
Intra tua vulnera absconde me.
Ne permittas me separari a te.
Ab hoste maligno defende me.
In hora mortis meae voca me.
Et iube me venire ad te,
Ut cum Sanctis tuis laudem te
In saecula saeculorum.
Amen.