Ioannes 1
-
1 In principio erat Verbum, et Verbum erat apud Deum, et Deus erat Verbum.
Patres ante-Nicaeni · 18
-
2 Hoc erat in principio apud Deum.
Patres ante-Nicaeni · 1
-
3 Omnia per ipsum facta sunt: et sine ipso factum est nihil, quod factum est.
Patres ante-Nicaeni · 10
-
4 In ipso vita erat, et vita erat lux hominum:
Patres ante-Nicaeni · 3
-
5 et lux in tenebris lucet, et tenebrae eam non comprehenderunt.
Patres ante-Nicaeni · 5
-
6 Fuit homo missus a Deo, cui nomen erat Ioannes.
Patres ante-Nicaeni · 3
-
7 Hic venit in testimonium ut testimonium perhiberet de lumine, ut omnes crederent per illum.
-
8 Non erat ille lux, sed ut testimonium perhiberet de lumine.
Patres ante-Nicaeni · 1
-
9 Erat lux vera, quae illuminat omnem hominem venientem in hunc mundum.
Patres ante-Nicaeni · 9
-
10 In mundo erat, et mundus per ipsum factus est, et mundus eum non cognovit.
Patres ante-Nicaeni · 4
-
11 In propria venit, et sui eum non receperunt.
Patres ante-Nicaeni · 3
-
12 Quotquot autem receperunt eum, dedit eis potestatem filios Dei fieri, his qui credunt in nomine eius:
Patres ante-Nicaeni · 2
-
13 qui non ex sanguinibus, neque ex voluntate carnis, neque ex voluntate viri, sed ex Deo nati sunt.
Patres ante-Nicaeni · 5
-
14 Et Verbum caro factum est, et habitavit in nobis: et vidimus gloriam eius, gloriam quasi unigeniti a Patre plenum gratiae et veritatis.
Patres ante-Nicaeni · 13
-
15 Iohannes testimonium perhibet de ipso et clamat dicens hic erat quem dixi vobis qui post me venturus est ante me factus est quia prior me erat
Patres ante-Nicaeni · 2
-
16 et de plenitudine eius nos omnes accepimus et gratiam pro gratia
Patres ante-Nicaeni · 4
-
17 quia lex per Mosen data est gratia et veritas per Iesum Christum facta est
Patres ante-Nicaeni · 3
-
18 Deum nemo vidit umquam unigenitus Filius qui est in sinu Patris ipse enarravit
Patres ante-Nicaeni · 11
-
19 et hoc est testimonium Iohannis quando miserunt Iudaei ab Hierosolymis sacerdotes et Levitas ad eum ut interrogarent eum tu quis es
Patres ante-Nicaeni · 1
-
20 et confessus est et non negavit et confessus est quia non sum ego Christus
Patres ante-Nicaeni · 2
-
21 et interrogaverunt eum quid ergo Helias es tu et dicit non sum propheta es tu et respondit non
Patres ante-Nicaeni · 2
-
22 dixerunt ergo ei quis es ut responsum demus his qui miserunt nos quid dicis de te ipso
-
23 ait ego vox clamantis in deserto dirigite viam Domini sicut dixit Esaias propheta
Patres ante-Nicaeni · 2
-
24 et qui missi fuerant erant ex Pharisaeis
Patres ante-Nicaeni · 1
-
25 et interrogaverunt eum et dixerunt ei quid ergo baptizas si tu non es Christus neque Helias neque propheta
Patres ante-Nicaeni · 1
-
26 respondit eis Iohannes dicens ego baptizo in aqua medius autem vestrum stetit quem vos non scitis
Patres ante-Nicaeni · 3
-
27 ipse est qui post me venturus est qui ante me factus est cuius ego non sum dignus ut solvam eius corrigiam calciamenti
Patres ante-Nicaeni · 3
-
28 haec in Bethania facta sunt trans Iordanen ubi erat Iohannes baptizans
Patres ante-Nicaeni · 1
-
29 altera die videt Iohannes Iesum venientem ad se et ait ecce agnus Dei qui tollit peccatum mundi
Patres ante-Nicaeni · 8
-
30 hic est de quo dixi post me venit vir qui ante me factus est quia prior me erat
Patres ante-Nicaeni · 1
-
31 et ego nesciebam eum sed ut manifestaretur Israhel propterea veni ego in aqua baptizans
-
32 et testimonium perhibuit Iohannes dicens quia vidi Spiritum descendentem quasi columbam de caelo et mansit super eum
Patres ante-Nicaeni · 2
-
33 et ego nesciebam eum sed qui misit me baptizare in aqua ille mihi dixit super quem videris Spiritum descendentem et manentem super eum hic est qui baptizat in Spiritu Sancto
Patres ante-Nicaeni · 2
-
34 et ego vidi et testimonium perhibui quia hic est Filius Dei
-
35 altera die iterum stabat Iohannes et ex discipulis eius duo
Patres ante-Nicaeni · 1
-
36 et respiciens Iesum ambulantem dicit ecce agnus Dei
Patres ante-Nicaeni · 1
-
37 et audierunt eum duo discipuli loquentem et secuti sunt Iesum
-
38 conversus autem Iesus et videns eos sequentes dicit eis quid quaeritis qui dixerunt ei rabbi quod dicitur interpretatum magister ubi habitas
Patres ante-Nicaeni · 1
-
39 dicit eis venite et videte venerunt et viderunt ubi maneret et apud eum manserunt die illo hora autem erat quasi decima
-
40 erat autem Andreas frater Simonis Petri unus ex duobus qui audierant ab Iohanne et secuti fuerant eum
Patres ante-Nicaeni · 1
-
41 invenit hic primum fratrem suum Simonem et dicit ei invenimus Messiam quod est interpretatum Christus
Patres ante-Nicaeni · 1
-
42 et adduxit eum ad Iesum intuitus autem eum Iesus dixit tu es Simon filius Iohanna tu vocaberis Cephas quod interpretatur Petrus
Patres ante-Nicaeni · 1
-
43 in crastinum voluit exire in Galilaeam et invenit Philippum et dicit ei Iesus sequere me
-
44 erat autem Philippus a Bethsaida civitate Andreae et Petri
-
45 invenit Philippus Nathanahel et dicit ei quem scripsit Moses in lege et prophetae invenimus Iesum filium Ioseph a Nazareth
-
46 et dixit ei Nathanahel a Nazareth potest aliquid boni esse dicit ei Philippus veni et vide
Patres ante-Nicaeni · 1
-
47 vidit Iesus Nathanahel venientem ad se et dicit de eo ecce vere Israhelita in quo dolus non est
Patres ante-Nicaeni · 2
-
48 dicit ei Nathanahel unde me nosti respondit Iesus et dixit ei priusquam te Philippus vocaret cum esses sub ficu vidi te
-
49 respondit ei Nathanahel et ait rabbi tu es Filius Dei tu es rex Israhel
Patres ante-Nicaeni · 2
-
50 respondit Iesus et dixit ei quia dixi tibi vidi te sub ficu credis maius his videbis
Patres ante-Nicaeni · 2
-
51 et dicit ei amen amen dico vobis videbitis caelum apertum et angelos Dei ascendentes et descendentes supra Filium hominis
Patres ante-Nicaeni · 1