Ad Titum 3
-
1 admone illos principibus et potestatibus subditos esse dicto oboedire ad omne opus bonum paratos esse
Patres ante-Nicaeni · 5
-
2 neminem blasphemare non litigiosos esse modestos omnem ostendentes mansuetudinem ad omnes homines
Patres ante-Nicaeni · 1
-
3 eramus enim et nos aliquando insipientes increduli errantes servientes desideriis et voluptatibus variis in malitia et invidia agentes odibiles odientes invicem
Patres ante-Nicaeni · 1
-
4 cum autem benignitas et humanitas apparuit salvatoris nostri Dei
-
5 non ex operibus iustitiae quae fecimus nos sed secundum suam misericordiam salvos nos fecit per lavacrum regenerationis et renovationis Spiritus Sancti
Patres ante-Nicaeni · 4
-
6 quem effudit in nos abunde per Iesum Christum salvatorem nostrum
-
7 ut iustificati gratia ipsius heredes simus secundum spem vitae aeternae
-
8 fidelis sermo est et de his volo te confirmare ut curent bonis operibus praeesse qui credunt Deo haec sunt bona et utilia hominibus
-
9 stultas autem quaestiones et genealogias et contentiones et pugnas legis devita sunt enim inutiles et vanae
Patres ante-Nicaeni · 1
-
10 hereticum hominem post unam et secundam correptionem devita
Patres ante-Nicaeni · 5
-
11 sciens quia subversus est qui eiusmodi est et delinquit proprio iudicio condemnatus
Patres ante-Nicaeni · 1
-
12 cum misero ad te Arteman aut Tychicum festina ad me venire Nicopolim ibi enim statui hiemare
-
13 Zenan legis peritum et Apollo sollicite praemitte ut nihil illis desit
-
14 discant autem et nostri bonis operibus praeesse ad usus necessarios ut non sint infructuosi
-
15 salutant te qui mecum sunt omnes saluta qui nos amant in fide gratia Dei cum omnibus vobis amen