Ad Titum 1
-
1 Paulus servus Dei apostolus autem Iesu Christi secundum fidem electorum Dei et agnitionem veritatis quae secundum pietatem est
-
2 in spem vitae aeternae quam promisit qui non mentitur Deus ante tempora saecularia
Patres ante-Nicaeni · 2
-
3 manifestavit autem temporibus suis verbum suum in praedicatione quae credita est mihi secundum praeceptum salvatoris nostri Dei
-
4 Tito dilecto filio secundum communem fidem gratia et pax a Deo Patre et Christo Iesu salvatore nostro
-
5 huius rei gratia reliqui te Cretae ut ea quae desunt corrigas et constituas per civitates presbyteros sicut ego tibi disposui
Patres ante-Nicaeni · 3
-
6 si quis sine crimine est unius uxoris vir filios habens fideles non in accusatione luxuriae aut non subditos
Patres ante-Nicaeni · 3
-
7 oportet enim episcopum sine crimine esse sicut Dei dispensatorem non superbum non iracundum non vinolentum non percussorem non turpilucri cupidum
Patres ante-Nicaeni · 2
-
8 sed hospitalem benignum sobrium iustum sanctum continentem
-
9 amplectentem eum qui secundum doctrinam est fidelem sermonem ut potens sit et exhortari in doctrina sana et eos qui contradicunt arguere
Patres ante-Nicaeni · 1
-
10 sunt enim multi et inoboedientes vaniloqui et seductores maxime qui de circumcisione sunt
Patres ante-Nicaeni · 2
-
11 quos oportet redargui qui universas domos subvertunt docentes quae non oportet turpis lucri gratia
-
12 dixit quidam ex illis proprius ipsorum propheta Cretenses semper mendaces malae bestiae ventres pigri
Patres ante-Nicaeni · 4
-
13 testimonium hoc verum est quam ob causam increpa illos dure ut sani sint in fide
-
14 non intendentes iudaicis fabulis et mandatis hominum aversantium se a veritate
-
15 omnia munda mundis coinquinatis autem et infidelibus nihil mundum sed inquinatae sunt eorum et mens et conscientia
Patres ante-Nicaeni · 5
-
16 confitentur se nosse Deum factis autem negant cum sunt abominati et incredibiles et ad omne opus bonum reprobi
Patres ante-Nicaeni · 1