Ad Romanos 8
-
1 nihil ergo nunc damnationis est his qui sunt in Christo Iesu qui non secundum carnem ambulant
-
2 lex enim Spiritus vitae in Christo Iesu liberavit me a lege peccati et mortis
Patres ante-Nicaeni · 4
-
3 nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne
Patres ante-Nicaeni · 3
-
4 ut iustificatio legis impleretur in nobis qui non secundum carnem ambulamus sed secundum Spiritum
-
5 qui enim secundum carnem sunt quae carnis sunt sapiunt qui vero secundum Spiritum quae sunt Spiritus sentiunt
Patres ante-Nicaeni · 2
-
6 nam prudentia carnis mors prudentia autem Spiritus vita et pax
Patres ante-Nicaeni · 3
-
7 quoniam sapientia carnis inimicitia est in Deum legi enim Dei non subicitur nec enim potest
Patres ante-Nicaeni · 3
-
8 qui autem in carne sunt Deo placere non possunt
Patres ante-Nicaeni · 4
-
9 vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius
Patres ante-Nicaeni · 7
-
10 si autem Christus in vobis est corpus quidem mortuum est propter peccatum spiritus vero vita propter iustificationem
Patres ante-Nicaeni · 3
-
11 quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis
Patres ante-Nicaeni · 6
-
12 ergo fratres debitores sumus non carni ut secundum carnem vivamus
Patres ante-Nicaeni · 1
-
13 si enim secundum carnem vixeritis moriemini si autem Spiritu facta carnis mortificatis vivetis
Patres ante-Nicaeni · 2
-
14 quicumque enim Spiritu Dei aguntur hii filii sunt Dei
Patres ante-Nicaeni · 2
-
15 non enim accepistis spiritum servitutis iterum in timore sed accepistis Spiritum adoptionis filiorum in quo clamamus Abba Pater
Patres ante-Nicaeni · 5
-
16 ipse Spiritus testimonium reddit spiritui nostro quod sumus filii Dei
Patres ante-Nicaeni · 1
-
17 si autem filii et heredes heredes quidem Dei coheredes autem Christi si tamen conpatimur ut et conglorificemur
Patres ante-Nicaeni · 3
-
18 existimo enim quod non sunt condignae passiones huius temporis ad futuram gloriam quae revelabitur in nobis
Patres ante-Nicaeni · 5
-
19 nam expectatio creaturae revelationem filiorum Dei expectat
Patres ante-Nicaeni · 5
-
20 vanitati enim creatura subiecta est non volens sed propter eum qui subiecit in spem
Patres ante-Nicaeni · 3
-
21 quia et ipsa creatura liberabitur a servitute corruptionis in libertatem gloriae filiorum Dei
Patres ante-Nicaeni · 4
-
22 scimus enim quod omnis creatura ingemescit et parturit usque adhuc
Patres ante-Nicaeni · 4
-
23 non solum autem illa sed et nos ipsi primitias Spiritus habentes et ipsi intra nos gemimus adoptionem filiorum expectantes redemptionem corporis nostri
Patres ante-Nicaeni · 1
-
24 spe enim salvi facti sumus spes autem quae videtur non est spes nam quod videt quis quid sperat
Patres ante-Nicaeni · 1
-
25 si autem quod non videmus speramus per patientiam expectamus
-
26 similiter autem et Spiritus adiuvat infirmitatem nostram nam quid oremus sicut oportet nescimus sed ipse Spiritus postulat pro nobis gemitibus inenarrabilibus
Patres ante-Nicaeni · 2
-
27 qui autem scrutatur corda scit quid desideret Spiritus quia secundum Deum postulat pro sanctis
-
28 scimus autem quoniam diligentibus Deum omnia cooperantur in bonum his qui secundum propositum vocati sunt sancti
Patres ante-Nicaeni · 1
-
29 nam quos praescivit et praedestinavit conformes fieri imaginis Filii eius ut sit ipse primogenitus in multis fratribus
Patres ante-Nicaeni · 3
-
30 quos autem praedestinavit hos et vocavit et quos vocavit hos et iustificavit quos autem iustificavit illos et glorificavit
-
31 quid ergo dicemus ad haec si Deus pro nobis quis contra nos
Patres ante-Nicaeni · 1
-
32 qui etiam Filio suo non pepercit sed pro nobis omnibus tradidit illum quomodo non etiam cum illo omnia nobis donabit
Patres ante-Nicaeni · 6
-
33 quis accusabit adversus electos Dei Deus qui iustificat
-
34 quis est qui condemnet Christus Iesus qui mortuus est immo qui resurrexit qui et est ad dexteram Dei qui etiam interpellat pro nobis
Patres ante-Nicaeni · 2
-
35 quis nos separabit a caritate Christi tribulatio an angustia an persecutio an fames an nuditas an periculum an gladius
Patres ante-Nicaeni · 5
-
36 sicut scriptum est quia propter te mortificamur tota die aestimati sumus ut oves occisionis
Patres ante-Nicaeni · 3
-
37 sed in his omnibus superamus propter eum qui dilexit nos
Patres ante-Nicaeni · 1
-
38 certus sum enim quia neque mors neque vita neque angeli neque principatus neque instantia neque futura neque fortitudines
Patres ante-Nicaeni · 2
-
39 neque altitudo neque profundum neque creatura alia poterit nos separare a caritate Dei quae est in Christo Iesu Domino nostro