Matthaeus 14
-
1 in illo tempore audiit Herodes tetrarcha famam Iesu
Patres ante-Nicaeni · 1
-
2 et ait pueris suis hic est Iohannes Baptista ipse surrexit a mortuis et ideo virtutes inoperantur in eo
Patres ante-Nicaeni · 1
-
3 Herodes enim tenuit Iohannem et alligavit eum et posuit in carcere propter Herodiadem uxorem fratris sui
Patres ante-Nicaeni · 2
-
4 dicebat enim illi Iohannes non licet tibi habere eam
-
5 et volens illum occidere timuit populum quia sicut prophetam eum habebant
-
6 die autem natalis Herodis saltavit filia Herodiadis in medio et placuit Herodi
-
7 unde cum iuramento pollicitus est ei dare quodcumque postulasset ab eo
-
8 at illa praemonita a matre sua da mihi inquit hic in disco caput Iohannis Baptistae
-
9 et contristatus est rex propter iuramentum autem et eos qui pariter recumbebant iussit dari
-
10 misitque et decollavit Iohannem in carcere
-
11 et adlatum est caput eius in disco et datum est puellae et tulit matri suae
-
12 et accedentes discipuli eius tulerunt corpus et sepelierunt illud et venientes nuntiaverunt Iesu
Patres ante-Nicaeni · 1
-
13 quod cum audisset Iesus secessit inde in navicula in locum desertum seorsum et cum audissent turbae secutae sunt eum pedestres de civitatibus
Patres ante-Nicaeni · 1
-
14 et exiens vidit turbam multam et misertus est eius et curavit languidos eorum
Patres ante-Nicaeni · 1
-
15 vespere autem facto accesserunt ad eum discipuli eius dicentes desertus est locus et hora iam praeteriit dimitte turbas ut euntes in castella emant sibi escas
Patres ante-Nicaeni · 1
-
16 Iesus autem dixit eis non habent necesse ire date illis vos manducare
Patres ante-Nicaeni · 1
-
17 responderunt ei non habemus hic nisi quinque panes et duos pisces
Patres ante-Nicaeni · 3
-
18 qui ait eis adferte illos mihi huc
-
19 et cum iussisset turbam discumbere supra faenum acceptis quinque panibus et duobus piscibus aspiciens in caelum benedixit et fregit et dedit discipulis panes discipuli autem turbis
Patres ante-Nicaeni · 3
-
20 et manducaverunt omnes et saturati sunt et tulerunt reliquias duodecim cofinos fragmentorum plenos
Patres ante-Nicaeni · 1
-
21 manducantium autem fuit numerus quinque milia virorum exceptis mulieribus et parvulis
Patres ante-Nicaeni · 1
-
22 et statim iussit discipulos ascendere in navicula et praecedere eum trans fretum donec dimitteret turbas
Patres ante-Nicaeni · 1
-
23 et dimissa turba ascendit in montem solus orare vespere autem facto solus erat ibi
Patres ante-Nicaeni · 1
-
24 navicula autem in medio mari iactabatur fluctibus erat enim contrarius ventus
Patres ante-Nicaeni · 2
-
25 quarta autem vigilia noctis venit ad eos ambulans supra mare
Patres ante-Nicaeni · 4
-
26 et videntes eum supra mare ambulantem turbati sunt dicentes quia fantasma est et prae timore clamaverunt
Patres ante-Nicaeni · 1
-
27 statimque Iesus locutus est eis dicens habete fiduciam ego sum nolite timere
Patres ante-Nicaeni · 1
-
28 respondens autem Petrus dixit Domine si tu es iube me venire ad te super aquas
-
29 at ipse ait veni et descendens Petrus de navicula ambulabat super aquam ut veniret ad Iesum
Patres ante-Nicaeni · 1
-
30 videns vero ventum validum timuit et cum coepisset mergi clamavit dicens Domine salvum me fac
Patres ante-Nicaeni · 1
-
31 et continuo Iesus extendens manum adprehendit eum et ait illi modicae fidei quare dubitasti
Patres ante-Nicaeni · 3
-
32 et cum ascendissent in naviculam cessavit ventus
Patres ante-Nicaeni · 1
-
33 qui autem in navicula erant venerunt et adoraverunt eum dicentes vere Filius Dei es
Patres ante-Nicaeni · 1
-
34 et cum transfretassent venerunt in terram Gennesar
Patres ante-Nicaeni · 1
-
35 et cum cognovissent eum viri loci illius miserunt in universam regionem illam et obtulerunt ei omnes male habentes
Patres ante-Nicaeni · 1
-
36 et rogabant eum ut vel fimbriam vestimenti eius tangerent et quicumque tetigerunt salvi facti sunt
Patres ante-Nicaeni · 1