Sacra Scriptura

Marcus 16

1. 1 et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum

   Patres ante-Nicaeni · 1

   • Dionysius (1)

2. 2 et valde mane una sabbatorum veniunt ad monumentum orto iam sole

3. 3 et dicebant ad invicem quis revolvet nobis lapidem ab ostio monumenti

4. 4 et respicientes vident revolutum lapidem erat quippe magnus valde

5. 5 et introeuntes in monumento viderunt iuvenem sedentem in dextris coopertum stola candida et obstipuerunt

6. 6 qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum

7. 7 sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis

8. 8 at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim

9. 9 surgens autem mane prima sabbati apparuit primo Mariae Magdalenae de qua eiecerat septem daemonia

   Patres ante-Nicaeni · 2

   • Apostolic Teaching and Constitutions (1)
   • Tertullian (1)

10. 10 illa vadens nuntiavit his qui cum eo fuerant lugentibus et flentibus

11. 11 et illi audientes quia viveret et visus esset ab ea non crediderunt

12. 12 post haec autem duobus ex eis ambulantibus ostensus est in alia effigie euntibus in villam

13. 13 et illi euntes nuntiaverunt ceteris nec illis crediderunt

14. 14 novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant

    Patres ante-Nicaeni · 1

    • Apostolic Teaching and Constitutions (1)

15. 15 et dixit eis euntes in mundum universum praedicate evangelium omni creaturae

    Patres ante-Nicaeni · 2

    • Apocrypha of the New Testament (2)
    • Tertullian (1)

16. 16 qui crediderit et baptizatus fuerit salvus erit qui vero non crediderit condemnabitur

    Patres ante-Nicaeni · 2

    • Apocrypha of the New Testament (2)
    • Apostolic Teaching and Constitutions (1)

17. 17 signa autem eos qui crediderint haec sequentur in nomine meo daemonia eicient linguis loquentur novis

    Patres ante-Nicaeni · 3

    • Apostolic Teaching and Constitutions (1)
    • Cyprian (1)
    • Irenaeus (1)

18. 18 serpentes tollent et si mortiferum quid biberint non eos nocebit super aegrotos manus inponent et bene habebunt

19. 19 et Dominus quidem postquam locutus est eis adsumptus est in caelum et sedit a dextris Dei

    Patres ante-Nicaeni · 2

    • Irenaeus (1)
    • Tertullian (2)

20. 20 illi autem profecti praedicaverunt ubique Domino cooperante et sermonem confirmante sequentibus signis