Sacra Scriptura

Lucas 13

1. 1 aderant autem quidam ipso in tempore nuntiantes illi de Galilaeis quorum sanguinem Pilatus miscuit cum sacrificiis eorum

2. 2 et respondens dixit illis putatis quod hii Galilaei prae omnibus Galilaeis peccatores fuerunt quia talia passi sunt

3. 3 non dico vobis sed nisi paenitentiam habueritis omnes similiter peribitis

4. 4 sicut illi decem et octo supra quos cecidit turris in Siloam et occidit eos putatis quia et ipsi debitores fuerunt praeter omnes homines habitantes in Hierusalem

5. 5 non dico vobis sed si non paenitentiam egeritis omnes similiter peribitis

6. 6 dicebat autem hanc similitudinem arborem fici habebat quidam plantatam in vinea sua et venit quaerens fructum in illa et non invenit

   Patres ante-Nicaeni · 1

   • Irenaeus (1)

7. 7 dixit autem ad cultorem vineae ecce anni tres sunt ex quo venio quaerens fructum in ficulnea hac et non invenio succide ergo illam ut quid etiam terram occupat

   Patres ante-Nicaeni · 1

   • Hippolytus (1)

8. 8 at ille respondens dixit illi domine dimitte illam et hoc anno usque dum fodiam circa illam et mittam stercora

   Patres ante-Nicaeni · 1

   • Origen (1)

9. 9 et si quidem fecerit fructum sin autem in futurum succides eam

10. 10 erat autem docens in synagoga eorum sabbatis

11. 11 et ecce mulier quae habebat spiritum infirmitatis annis decem et octo et erat inclinata nec omnino poterat sursum respicere

    Patres ante-Nicaeni · 1

    • Origen (1)

12. 12 quam cum videret Iesus vocavit ad se et ait illi mulier dimissa es ab infirmitate tua

    Patres ante-Nicaeni · 1

    • Origen (1)

13. 13 et inposuit illi manus et confestim erecta est et glorificabat Deum

14. 14 respondens autem archisynagogus indignans quia sabbato curasset Iesus dicebat turbae sex dies sunt in quibus oportet operari in his ergo venite et curamini et non in die sabbati

15. 15 respondit autem ad illum Dominus et dixit hypocritae unusquisque vestrum sabbato non solvit bovem suum aut asinum a praesepio et ducit adaquare

    Patres ante-Nicaeni · 3

    • Hippolytus (1)
    • Irenaeus (1)
    • Tertullian (1)

16. 16 hanc autem filiam Abrahae quam alligavit Satanas ecce decem et octo annis non oportuit solvi a vinculo isto die sabbati

    Patres ante-Nicaeni · 1

    • Irenaeus (1)

17. 17 et cum haec diceret erubescebant omnes adversarii eius et omnis populus gaudebat in universis quae gloriose fiebant ab eo

18. 18 dicebat ergo cui simile est regnum Dei et cui simile esse existimabo illud

19. 19 simile est grano sinapis quod acceptum homo misit in hortum suum et crevit et factum est in arborem magnam et volucres caeli requieverunt in ramis eius

    Patres ante-Nicaeni · 2

    • Clement of Alexandria (1)
    • Hippolytus (1)

20. 20 et iterum dixit cui simile aestimabo regnum Dei

    Patres ante-Nicaeni · 1

    • Tertullian (1)

21. 21 simile est fermento quod acceptum mulier abscondit in farinae sata tria donec fermentaretur totum

22. 22 et ibat per civitates et castella docens et iter faciens in Hierusalem

23. 23 ait autem illi quidam Domine si pauci sunt qui salvantur ipse autem dixit ad illos

24. 24 contendite intrare per angustam portam quia multi dico vobis quaerunt intrare et non poterunt

    Patres ante-Nicaeni · 2

    • Origen (2)
    • Tertullian (1)

25. 25 cum autem intraverit pater familias et cluserit ostium et incipietis foris stare et pulsare ostium dicentes Domine aperi nobis et respondens dicet vobis nescio vos unde sitis

    Patres ante-Nicaeni · 2

    • Remains of the Second and Third Centuries (1)
    • Tertullian (2)

26. 26 tunc incipietis dicere manducavimus coram te et bibimus et in plateis nostris docuisti

    Patres ante-Nicaeni · 2

    • Justin Martyr (1)
    • Origen (1)

27. 27 et dicet vobis nescio vos unde sitis discedite a me omnes operarii iniquitatis

    Patres ante-Nicaeni · 3

    • Archelaus (1)
    • Clement (1)
    • The Epistles of Clement (1)

28. 28 ibi erit fletus et stridor dentium cum videritis Abraham et Isaac et Iacob et omnes prophetas in regno Dei vos autem expelli foras

    Patres ante-Nicaeni · 2

    • Irenaeus (1)
    • Tertullian (1)

29. 29 et venient ab oriente et occidente et aquilone et austro et accumbent in regno Dei

    Patres ante-Nicaeni · 1

    • Pseudo-Clementine Literature (2)

30. 30 et ecce sunt novissimi qui erunt primi et sunt primi qui erunt novissimi

31. 31 in ipsa die accesserunt quidam Pharisaeorum dicentes illi exi et vade hinc quia Herodes vult te occidere

    Patres ante-Nicaeni · 1

    • Cyprian (1)

32. 32 et ait illis ite dicite vulpi illi ecce eicio daemonia et sanitates perficio hodie et cras et tertia consummor

    Patres ante-Nicaeni · 2

    • Clement of Alexandria (2)
    • Irenaeus (2)

33. 33 verumtamen oportet me hodie et cras et sequenti ambulare quia non capit prophetam perire extra Hierusalem

    Patres ante-Nicaeni · 1

    • Origen (1)

34. 34 Hierusalem Hierusalem quae occidis prophetas et lapidas eos qui mittuntur ad te quotiens volui congregare filios tuos quemadmodum avis nidum suum sub pinnis et noluisti

    Patres ante-Nicaeni · 3

    • Clement of Alexandria (3)
    • Irenaeus (1)
    • Pseudo-Clementine Literature (1)

35. 35 ecce relinquitur vobis domus vestra dico autem vobis quia non videbitis me donec veniat cum dicetis benedictus qui venit in nomine Domini