Sacra Scriptura

Lucas 24

1. 1 una autem sabbati valde diluculo venerunt ad monumentum portantes quae paraverant aromata

   Patres ante-Nicaeni · 1

   • Tertullian (1)

2. 2 et invenerunt lapidem revolutum a monumento

3. 3 et ingressae non invenerunt corpus Domini Iesu

   Patres ante-Nicaeni · 1

   • Tertullian (1)

4. 4 et factum est dum mente consternatae essent de isto ecce duo viri steterunt secus illas in veste fulgenti

   Patres ante-Nicaeni · 1

   • Tertullian (1)

5. 5 cum timerent autem et declinarent vultum in terram dixerunt ad illas quid quaeritis viventem cum mortuis

6. 6 non est hic sed surrexit recordamini qualiter locutus est vobis cum adhuc in Galilaea esset

   Patres ante-Nicaeni · 1

   • Tertullian (1)

7. 7 dicens quia oportet Filium hominis tradi in manus hominum peccatorum et crucifigi et die tertia resurgere

8. 8 et recordatae sunt verborum eius

9. 9 et regressae a monumento nuntiaverunt haec omnia illis undecim et ceteris omnibus

10. 10 erat autem Maria Magdalene et Iohanna et Maria Iacobi et ceterae quae cum eis erant quae dicebant ad apostolos haec

    Patres ante-Nicaeni · 1

    • Apocrypha of the New Testament (1)

11. 11 et visa sunt ante illos sicut deliramentum verba ista et non credebant illis

12. 12 Petrus autem surgens cucurrit ad monumentum et procumbens videt linteamina sola posita et abiit secum mirans quod factum fuerat

13. 13 et ecce duo ex illis ibant ipsa die in castellum quod erat in spatio stadiorum sexaginta ab Hierusalem nomine Emmaus

    Patres ante-Nicaeni · 1

    • Tertullian (1)

14. 14 et ipsi loquebantur ad invicem de his omnibus quae acciderant

15. 15 et factum est dum fabularentur et secum quaererent et ipse Iesus adpropinquans ibat cum illis

    Patres ante-Nicaeni · 1

    • Origen (1)

16. 16 oculi autem illorum tenebantur ne eum agnoscerent

17. 17 et ait ad illos qui sunt hii sermones quos confertis ad invicem ambulantes et estis tristes

18. 18 et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus

    Patres ante-Nicaeni · 2

    • Apostolic Teaching and Constitutions (1)
    • Origen (1)

19. 19 quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo

20. 20 et quomodo eum tradiderunt summi sacerdotum et principes nostri in damnationem mortis et crucifixerunt eum

21. 21 nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt

    Patres ante-Nicaeni · 2

    • Tertullian (1)
    • The Twelve Patriarchs (1)

22. 22 sed et mulieres quaedam ex nostris terruerunt nos quae ante lucem fuerunt ad monumentum

23. 23 et non invento corpore eius venerunt dicentes se etiam visionem angelorum vidisse qui dicunt eum vivere

24. 24 et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt

25. 25 et ipse dixit ad eos o stulti et tardi corde ad credendum in omnibus quae locuti sunt prophetae

    Patres ante-Nicaeni · 3

    • Irenaeus (1)
    • Tertullian (1)
    • The Pastor of Hermas (1)

26. 26 nonne haec oportuit pati Christum et ita intrare in gloriam suam

    Patres ante-Nicaeni · 1

    • Irenaeus (1)

27. 27 et incipiens a Mose et omnibus prophetis interpretabatur illis in omnibus scripturis quae de ipso erant

    Patres ante-Nicaeni · 1

    • Tertullian (1)

28. 28 et adpropinquaverunt castello quo ibant et ipse se finxit longius ire

29. 29 et coegerunt illum dicentes mane nobiscum quoniam advesperascit et inclinata est iam dies et intravit cum illis

    Patres ante-Nicaeni · 1

    • Ancient Syriac Documents (1)

30. 30 et factum est dum recumberet cum illis accepit panem et benedixit ac fregit et porrigebat illis

    Patres ante-Nicaeni · 1

    • Origen (1)

31. 31 et aperti sunt oculi eorum et cognoverunt eum et ipse evanuit ex oculis eorum

    Patres ante-Nicaeni · 1

    • Clement of Alexandria (1)

32. 32 et dixerunt ad invicem nonne cor nostrum ardens erat in nobis dum loqueretur in via et aperiret nobis scripturas

    Patres ante-Nicaeni · 2

    • Justin Martyr (1)
    • Origen (2)

33. 33 et surgentes eadem hora regressi sunt in Hierusalem et invenerunt congregatos undecim et eos qui cum ipsis erant

34. 34 dicentes quod surrexit Dominus vere et apparuit Simoni

    Patres ante-Nicaeni · 1

    • Theodotus (1)

35. 35 et ipsi narrabant quae gesta erant in via et quomodo cognoverunt eum in fractione panis

36. 36 dum haec autem loquuntur Iesus stetit in medio eorum et dicit eis pax vobis ego sum nolite timere

37. 37 conturbati vero et conterriti existimabant se spiritum videre

    Patres ante-Nicaeni · 2

    • Apocrypha of the New Testament (1)
    • Tertullian (1)

38. 38 et dixit eis quid turbati estis et cogitationes ascendunt in corda vestra

39. 39 videte manus meas et pedes quia ipse ego sum palpate et videte quia spiritus carnem et ossa non habet sicut me videtis habere

    Patres ante-Nicaeni · 5

    • Hippolytus (1)
    • Ignatius (3)
    • Irenaeus (1)
    • Tertullian (2)
    • Tertullian (1)

40. 40 et cum hoc dixisset ostendit eis manus et pedes

41. 41 adhuc autem illis non credentibus et mirantibus prae gaudio dixit habetis hic aliquid quod manducetur

    Patres ante-Nicaeni · 2

    • Clement of Alexandria (1)
    • Tertullian (1)

42. 42 at illi obtulerunt ei partem piscis assi et favum mellis

    Patres ante-Nicaeni · 2

    • Origen (1)
    • Tertullian (1)

43. 43 et cum manducasset coram eis sumens reliquias dedit eis

44. 44 et dixit ad eos haec sunt verba quae locutus sum ad vos cum adhuc essem vobiscum quoniam necesse est impleri omnia quae scripta sunt in lege Mosi et prophetis et psalmis de me

    Patres ante-Nicaeni · 3

    • Cyprian (1)
    • Irenaeus (1)
    • Tertullian (1)

45. 45 tunc aperuit illis sensum ut intellegerent scripturas

    Patres ante-Nicaeni · 1

    • Tertullian (1)

46. 46 et dixit eis quoniam sic scriptum est et sic oportebat Christum pati et resurgere a mortuis die tertia

    Patres ante-Nicaeni · 1

    • Apocrypha of the New Testament (1)

47. 47 et praedicari in nomine eius paenitentiam et remissionem peccatorum in omnes gentes incipientibus ab Hierosolyma

    Patres ante-Nicaeni · 1

    • Tertullian (1)

48. 48 vos autem estis testes horum

    Patres ante-Nicaeni · 1

    • Tertullian (1)

49. 49 et ego mitto promissum Patris mei in vos vos autem sedete in civitate quoadusque induamini virtutem ex alto

    Patres ante-Nicaeni · 2

    • Apocrypha of the New Testament (1)
    • Tertullian (1)

50. 50 eduxit autem eos foras in Bethaniam et elevatis manibus suis benedixit eis

    Patres ante-Nicaeni · 1

    • Ancient Syriac Documents (1)

51. 51 et factum est dum benediceret illis recessit ab eis et ferebatur in caelum

52. 52 et ipsi adorantes regressi sunt in Hierusalem cum gaudio magno

53. 53 et erant semper in templo laudantes et benedicentes Deum amen