Ioannes 3
-
1 erat autem homo ex Pharisaeis Nicodemus nomine princeps Iudaeorum
-
2 hic venit ad eum nocte et dixit ei rabbi scimus quia a Deo venisti magister nemo enim potest haec signa facere quae tu facis nisi fuerit Deus cum eo
-
3 respondit Iesus et dixit ei amen amen dico tibi nisi quis natus fuerit denuo non potest videre regnum Dei
Patres ante-Nicaeni · 1
-
4 dicit ad eum Nicodemus quomodo potest homo nasci cum senex sit numquid potest in ventrem matris suae iterato introire et nasci
-
5 respondit Iesus amen amen dico tibi nisi quis renatus fuerit ex aqua et Spiritu non potest introire in regnum Dei
Patres ante-Nicaeni · 8
-
6 quod natum est ex carne caro est et quod natum est ex Spiritu spiritus est
Patres ante-Nicaeni · 6
-
7 non mireris quia dixi tibi oportet vos nasci denuo
-
8 Spiritus ubi vult spirat et vocem eius audis sed non scis unde veniat et quo vadat sic est omnis qui natus est ex Spiritu
Patres ante-Nicaeni · 2
-
9 respondit Nicodemus et dixit ei quomodo possunt haec fieri
Patres ante-Nicaeni · 1
-
10 respondit Iesus et dixit ei tu es magister Israhel et haec ignoras
-
11 amen amen dico tibi quia quod scimus loquimur et quod vidimus testamur et testimonium nostrum non accipitis
Patres ante-Nicaeni · 1
-
12 si terrena dixi vobis et non creditis quomodo si dixero vobis caelestia credetis
-
13 et nemo ascendit in caelum nisi qui descendit de caelo Filius hominis qui est in caelo
Patres ante-Nicaeni · 3
-
14 et sicut Moses exaltavit serpentem in deserto ita exaltari oportet Filium hominis
Patres ante-Nicaeni · 5
-
15 ut omnis qui credit in ipso non pereat sed habeat vitam aeternam
Patres ante-Nicaeni · 1
-
16 sic enim dilexit Deus mundum ut Filium suum unigenitum daret ut omnis qui credit in eum non pereat sed habeat vitam aeternam
Patres ante-Nicaeni · 1
-
17 non enim misit Deus Filium suum in mundum ut iudicet mundum sed ut salvetur mundus per ipsum
Patres ante-Nicaeni · 1
-
18 qui credit in eum non iudicatur qui autem non credit iam iudicatus est quia non credidit in nomine unigeniti Filii Dei
Patres ante-Nicaeni · 5
-
19 hoc est autem iudicium quia lux venit in mundum et dilexerunt homines magis tenebras quam lucem erant enim eorum mala opera
Patres ante-Nicaeni · 1
-
20 omnis enim qui mala agit odit lucem et non venit ad lucem ut non arguantur opera eius
-
21 qui autem facit veritatem venit ad lucem ut manifestentur eius opera quia in Deo sunt facta
Patres ante-Nicaeni · 1
-
22 post haec venit Iesus et discipuli eius in iudaeam terram et illic demorabatur cum eis et baptizabat
-
23 erat autem et Iohannes baptizans in Aenon iuxta Salim quia aquae multae erant illic et adveniebant et baptizabantur
Patres ante-Nicaeni · 1
-
24 nondum enim missus fuerat in carcerem Iohannes
-
25 facta est ergo quaestio ex discipulis Iohannis cum Iudaeis de purificatione
-
26 et venerunt ad Iohannem et dixerunt ei rabbi qui erat tecum trans Iordanen cui tu testimonium perhibuisti ecce hic baptizat et omnes veniunt ad eum
-
27 respondit Iohannes et dixit non potest homo accipere quicquam nisi fuerit ei datum de caelo
Patres ante-Nicaeni · 1
-
28 ipsi vos mihi testimonium perhibetis quod dixerim ego non sum Christus sed quia missus sum ante illum
Patres ante-Nicaeni · 1
-
29 qui habet sponsam sponsus est amicus autem sponsi qui stat et audit eum gaudio gaudet propter vocem sponsi hoc ergo gaudium meum impletum est
Patres ante-Nicaeni · 2
-
30 illum oportet crescere me autem minui
Patres ante-Nicaeni · 2
-
31 qui desursum venit supra omnes est qui est de terra de terra est et de terra loquitur qui de caelo venit supra omnes est
Patres ante-Nicaeni · 3
-
32 et quod vidit et audivit hoc testatur et testimonium eius nemo accipit
-
33 qui accipit eius testimonium signavit quia Deus verax est
Patres ante-Nicaeni · 1
-
34 quem enim misit Deus verba Dei loquitur non enim ad mensuram dat Deus Spiritum
Patres ante-Nicaeni · 3
-
35 Pater diligit Filium et omnia dedit in manu eius
Patres ante-Nicaeni · 1
-
36 qui credit in Filium habet vitam aeternam qui autem incredulus est Filio non videbit vitam sed ira Dei manet super eum
Patres ante-Nicaeni · 4