Ad Hebraeos 5
-
1 omnis namque pontifex ex hominibus adsumptus pro hominibus constituitur in his quae sunt ad Deum ut offerat dona et sacrificia pro peccatis
Patres ante-Nicaeni · 2
-
2 qui condolere possit his qui ignorant et errant quoniam et ipse circumdatus est infirmitate
-
3 et propter eam debet quemadmodum et pro populo ita etiam pro semet ipso offerre pro peccatis
-
4 nec quisquam sumit sibi honorem sed qui vocatur a Deo tamquam Aaron
Patres ante-Nicaeni · 1
-
5 sic et Christus non semet ipsum clarificavit ut pontifex fieret sed qui locutus est ad eum Filius meus es tu ego hodie genui te
Patres ante-Nicaeni · 2
-
6 quemadmodum et in alio dicit tu es sacerdos in aeternum secundum ordinem Melchisedech
-
7 qui in diebus carnis suae preces supplicationesque ad eum qui possit salvum illum a morte facere cum clamore valido et lacrimis offerens et exauditus pro sua reverentia
Patres ante-Nicaeni · 3
-
8 et quidem cum esset Filius didicit ex his quae passus est oboedientiam
Patres ante-Nicaeni · 1
-
9 et consummatus factus est omnibus obtemperantibus sibi causa salutis aeternae
-
10 appellatus a Deo pontifex iuxta ordinem Melchisedech
Patres ante-Nicaeni · 1
-
11 de quo grandis nobis sermo et ininterpretabilis ad dicendum quoniam inbecilles facti estis ad audiendum
Patres ante-Nicaeni · 1
-
12 etenim cum deberetis magistri esse propter tempus rursum indigetis ut vos doceamini quae sint elementa exordii sermonum Dei et facti estis quibus lacte opus sit non solido cibo
Patres ante-Nicaeni · 3
-
13 omnis enim qui lactis est particeps expers est sermonis iustitiae parvulus enim est
Patres ante-Nicaeni · 1
-
14 perfectorum autem est solidus cibus eorum qui pro consuetudine exercitatos habent sensus ad discretionem boni ac mali
Patres ante-Nicaeni · 5