Sacra Scriptura

Ad Hebraeos 2

1. 1 propterea abundantius oportet observare nos ea quae audivimus ne forte pereffluamus

   Patres ante-Nicaeni · 1

   • Origen (1)

2. 2 si enim qui per angelos dictus est sermo factus est firmus et omnis praevaricatio et inoboedientia accepit iustam mercedis retributionem

   Patres ante-Nicaeni · 1

   • Tertullian (1)

3. 3 quomodo nos effugiemus si tantam neglexerimus salutem quae cum initium accepisset enarrari per Dominum ab eis qui audierunt in nos confirmata est

   Patres ante-Nicaeni · 1

   • Gregory Thaumaturgus (1)

4. 4 contestante Deo signis et portentis et variis virtutibus et Spiritus Sancti distributionibus secundum suam voluntatem

5. 5 non enim angelis subiecit orbem terrae futurum de quo loquimur

   Patres ante-Nicaeni · 2

   • Cyprian (1)
   • Tertullian (1)

6. 6 testatus est autem in quodam loco quis dicens quid est homo quod memor es eius aut filius hominis quoniam visitas eum

   Patres ante-Nicaeni · 1

   • Tertullian (1)

7. 7 minuisti eum paulo minus ab angelis gloria et honore coronasti eum et constituisti eum super opera manuum tuarum

8. 8 omnia subiecisti sub pedibus eius in eo enim quod ei omnia subiecit nihil dimisit non subiectum ei nunc autem necdum videmus omnia subiecta ei

9. 9 eum autem qui modico quam angeli minoratus est videmus Iesum propter passionem mortis gloria et honore coronatum ut gratia Dei pro omnibus gustaret mortem

   Patres ante-Nicaeni · 1

   • Origen (1)

10. 10 decebat enim eum propter quem omnia et per quem omnia qui multos filios in gloriam adduxerat auctorem salutis eorum per passiones consummare

    Patres ante-Nicaeni · 2

    • Clement (1)
    • Tertullian (1)

11. 11 qui enim sanctificat et qui sanctificantur ex uno omnes propter quam causam non confunditur fratres eos vocare dicens

    Patres ante-Nicaeni · 2

    • Cyprian (1)
    • Origen (1)

12. 12 nuntiabo nomen tuum fratribus meis in medio ecclesiae laudabo te

    Patres ante-Nicaeni · 1

    • Barnabas (1)

13. 13 et iterum ego ero fidens in eum et iterum ecce ego et pueri mei quos mihi dedit Deus

14. 14 quia ergo pueri communicaverunt sanguini et carni et ipse similiter participavit hisdem ut per mortem destrueret eum qui habebat mortis imperium id est diabolum

    Patres ante-Nicaeni · 2

    • Clement of Alexandria (1)
    • Origen (2)

15. 15 et liberaret eos qui timore mortis per totam vitam obnoxii erant servituti

16. 16 nusquam enim angelos adprehendit sed semen Abrahae adprehendit

    Patres ante-Nicaeni · 1

    • Methodius (1)

17. 17 unde debuit per omnia fratribus similare ut misericors fieret et fidelis pontifex ad Deum ut repropitiaret delicta populi

18. 18 in eo enim in quo passus est ipse temptatus potens est eis qui temptantur auxiliari