Ad Hebraeos 1
-
1 multifariam et multis modis olim Deus loquens patribus in prophetis
Patres ante-Nicaeni · 3
-
2 novissime diebus istis locutus est nobis in Filio quem constituit heredem universorum per quem fecit et saecula
Patres ante-Nicaeni · 1
-
3 qui cum sit splendor gloriae et figura substantiae eius portansque omnia verbo virtutis suae purgationem peccatorum faciens sedit ad dexteram Maiestatis in excelsis
Patres ante-Nicaeni · 14
-
4 tanto melior angelis effectus quanto differentius prae illis nomen hereditavit
-
5 cui enim dixit aliquando angelorum Filius meus es tu ego hodie genui te et rursum ego ero illi in Patrem et ipse erit mihi in Filium
Patres ante-Nicaeni · 4
-
6 et cum iterum introducit primogenitum in orbem terrae dicit et adorent eum omnes angeli Dei
Patres ante-Nicaeni · 1
-
7 et ad angelos quidem dicit qui facit angelos suos spiritus et ministros suos flammam ignis
Patres ante-Nicaeni · 4
-
8 ad Filium autem thronus tuus Deus in saeculum saeculi et virga aequitatis virga regni tui
-
9 dilexisti iustitiam et odisti iniquitatem propterea unxit te Deus Deus tuus oleo exultationis prae participibus tuis
-
10 et tu in principio Domine terram fundasti et opera manuum tuarum sunt caeli
-
11 ipsi peribunt tu autem permanebis et omnes ut vestimentum veterescent
-
12 et velut amictum involves eos et mutabuntur tu autem idem es et anni tui non deficient
-
13 ad quem autem angelorum dixit aliquando sede a dextris meis quoadusque ponam inimicos tuos scabillum pedum tuorum
Patres ante-Nicaeni · 2
-
14 nonne omnes sunt administratorii spiritus in ministerium missi propter eos qui hereditatem capient salutis
Patres ante-Nicaeni · 5