Ad Galatas 1
-
1 Paulus apostolus non ab hominibus neque per hominem sed per Iesum Christum et Deum Patrem qui suscitavit eum a mortuis
Patres ante-Nicaeni · 7
-
2 et qui mecum sunt omnes fratres ecclesiis Galatiae
-
3 gratia vobis et pax a Deo Patre et Domino nostro Iesu Christo
-
4 qui dedit semet ipsum pro peccatis nostris ut eriperet nos de praesenti saeculo nequam secundum voluntatem Dei et Patris nostri
Patres ante-Nicaeni · 2
-
5 cui est gloria in saecula saeculorum amen
-
6 miror quod sic tam cito transferimini ab eo qui vos vocavit in gratiam Christi in aliud evangelium
Patres ante-Nicaeni · 4
-
7 quod non est aliud nisi sunt aliqui qui vos conturbant et volunt convertere evangelium Christi
Patres ante-Nicaeni · 1
-
8 sed licet nos aut angelus de caelo evangelizet vobis praeterquam quod evangelizavimus vobis anathema sit
Patres ante-Nicaeni · 5
-
9 sicut praediximus et nunc iterum dico si quis vobis evangelizaverit praeter id quod accepistis anathema sit
-
10 modo enim hominibus suadeo aut Deo aut quaero hominibus placere si adhuc hominibus placerem Christi servus non essem
Patres ante-Nicaeni · 2
-
11 notum enim vobis facio fratres evangelium quod evangelizatum est a me quia non est secundum hominem
Patres ante-Nicaeni · 1
-
12 neque enim ego ab homine accepi illud neque didici sed per revelationem Iesu Christi
-
13 audistis enim conversationem meam aliquando in iudaismo quoniam supra modum persequebar ecclesiam Dei et expugnabam illam
Patres ante-Nicaeni · 1
-
14 et proficiebam in iudaismo supra multos coetaneos in genere meo abundantius aemulator existens paternarum mearum traditionum
Patres ante-Nicaeni · 1
-
15 cum autem placuit ei qui me segregavit de utero matris meae et vocavit per gratiam suam
Patres ante-Nicaeni · 1
-
16 ut revelaret Filium suum in me ut evangelizarem illum in gentibus continuo non adquievi carni et sanguini
-
17 neque veni Hierosolyma ad antecessores meos apostolos sed abii in Arabiam et iterum reversus sum Damascum
-
18 deinde post annos tres veni Hierosolyma videre Petrum et mansi apud eum diebus quindecim
Patres ante-Nicaeni · 1
-
19 alium autem apostolorum vidi neminem nisi Iacobum fratrem Domini
Patres ante-Nicaeni · 3
-
20 quae autem scribo vobis ecce coram Deo quia non mentior
-
21 deinde veni in partes Syriae et Ciliciae
-
22 eram autem ignotus facie ecclesiis Iudaeae quae erant in Christo
-
23 tantum autem auditum habebant quoniam qui persequebatur nos aliquando nunc evangelizat fidem quam aliquando expugnabat
-
24 et in me clarificabant Deum