Actus Apostolorum 1
-
1 primum quidem sermonem feci de omnibus o Theophile quae coepit Iesus facere et docere
Patres ante-Nicaeni · 1
-
2 usque in diem qua praecipiens apostolis per Spiritum Sanctum quos elegit adsumptus est
-
3 quibus et praebuit se ipsum vivum post passionem suam in multis argumentis per dies quadraginta apparens eis et loquens de regno Dei
Patres ante-Nicaeni · 4
-
4 et convescens praecepit eis ab Hierosolymis ne discederent sed expectarent promissionem Patris quam audistis per os meum
Patres ante-Nicaeni · 1
-
5 quia Iohannes quidem baptizavit aqua vos autem baptizabimini Spiritu Sancto non post multos hos dies
Patres ante-Nicaeni · 1
-
6 igitur qui convenerant interrogabant eum dicentes Domine si in tempore hoc restitues regnum Israhel
Patres ante-Nicaeni · 1
-
7 dixit autem eis non est vestrum nosse tempora vel momenta quae Pater posuit in sua potestate
Patres ante-Nicaeni · 4
-
8 sed accipietis virtutem supervenientis Spiritus Sancti in vos et eritis mihi testes in Hierusalem et in omni Iudaea et Samaria et usque ad ultimum terrae
Patres ante-Nicaeni · 2
-
9 et cum haec dixisset videntibus illis elevatus est et nubes suscepit eum ab oculis eorum
Patres ante-Nicaeni · 4
-
10 cumque intuerentur in caelum eunte illo ecce duo viri adstiterunt iuxta illos in vestibus albis
Patres ante-Nicaeni · 1
-
11 qui et dixerunt viri galilaei quid statis aspicientes in caelum hic Iesus qui adsumptus est a vobis in caelum sic veniet quemadmodum vidistis eum euntem in caelum
Patres ante-Nicaeni · 2
-
12 tunc reversi sunt Hierosolymam a monte qui vocatur Oliveti qui est iuxta Hierusalem sabbati habens iter
Patres ante-Nicaeni · 1
-
13 et cum introissent in cenaculum ascenderunt ubi manebant Petrus et Iohannes Iacobus et Andreas Philippus et Thomas Bartholomeus et Mattheus Iacobus Alphei et Simon Zelotes et Iudas Iacobi
-
14 hii omnes erant perseverantes unianimiter in oratione cum mulieribus et Maria matre Iesu et fratribus eius
Patres ante-Nicaeni · 1
-
15 et in diebus illis exsurgens Petrus in medio fratrum dixit erat autem turba nominum simul fere centum viginti
Patres ante-Nicaeni · 1
-
16 viri fratres oportet impleri scripturam quam praedixit Spiritus Sanctus per os David de Iuda qui fuit dux eorum qui conprehenderunt Iesum
Patres ante-Nicaeni · 1
-
17 quia connumeratus erat in nobis et sortitus est sortem ministerii huius
-
18 et hic quidem possedit agrum de mercede iniquitatis et suspensus crepuit medius et diffusa sunt omnia viscera eius
Patres ante-Nicaeni · 1
-
19 et notum factum est omnibus habitantibus Hierusalem ita ut appellaretur ager ille lingua eorum Acheldemach hoc est ager Sanguinis
-
20 scriptum est enim in libro Psalmorum fiat commoratio eius deserta et non sit qui inhabitet in ea et episcopatum eius accipiat alius
Patres ante-Nicaeni · 2
-
21 oportet ergo ex his viris qui nobiscum congregati sunt in omni tempore quo intravit et exivit inter nos Dominus Iesus
-
22 incipiens a baptismate Iohannis usque in diem qua adsumptus est a nobis testem resurrectionis eius nobiscum fieri unum ex istis
-
23 et statuerunt duos Ioseph qui vocabatur Barsabban qui cognominatus est Iustus et Matthiam
Patres ante-Nicaeni · 1
-
24 et orantes dixerunt tu Domine qui corda nosti omnium ostende quem elegeris ex his duobus unum
-
25 accipere locum ministerii huius et apostolatus de quo praevaricatus est Iudas ut abiret in locum suum
-
26 et dederunt sortes eis et cecidit sors super Matthiam et adnumeratus est cum undecim apostolis