Sacra Scriptura

2 ad Timotheum 1

1. 1 Paulus apostolus Christi Iesu per voluntatem Dei secundum promissionem vitae quae est in Christo Iesu

2. 2 Timotheo carissimo filio gratia misericordia pax a Deo Patre et Christo Iesu Domino nostro

3. 3 gratias ago Deo cui servio a progenitoribus in conscientia pura quam sine intermissione habeam tui memoriam in orationibus meis nocte ac die

   Patres ante-Nicaeni · 1

   • Origen (2)

4. 4 desiderans te videre memor lacrimarum tuarum ut gaudio implear

5. 5 recordationem accipiens eius fidei quae est in te non ficta quae et habitavit primum in avia tua Loide et matre tua Eunice certus sum autem quod et in te

   Patres ante-Nicaeni · 1

   • Apostolic Teaching and Constitutions (1)

6. 6 propter quam causam admoneo te ut resuscites gratiam Dei quae est in te per inpositionem manuum mearum

   Patres ante-Nicaeni · 1

   • Ignatius (2)

7. 7 non enim dedit nobis Deus spiritum timoris sed virtutis et dilectionis et sobrietatis

   Patres ante-Nicaeni · 2

   • Clement of Alexandria (1)
   • Tertullian (1)

8. 8 noli itaque erubescere testimonium Domini nostri neque me vinctum eius sed conlabora evangelio secundum virtutem Dei

   Patres ante-Nicaeni · 1

   • Tertullian (1)

9. 9 qui nos liberavit et vocavit vocatione sancta non secundum opera nostra sed secundum propositum suum et gratiam quae data est nobis in Christo Iesu ante tempora saecularia

10. 10 manifestata est autem nunc per inluminationem salvatoris nostri Iesu Christi qui destruxit quidem mortem inluminavit autem vitam et incorruptionem per evangelium

    Patres ante-Nicaeni · 2

    • Ignatius (1)
    • Origen (1)

11. 11 in quo positus sum ego praedicator et apostolus et magister gentium

12. 12 ob quam causam etiam haec patior sed non confundor scio enim cui credidi et certus sum quia potens est depositum meum servare in illum diem

13. 13 formam habe sanorum verborum quae a me audisti in fide et dilectione in Christo Iesu

14. 14 bonum depositum custodi per Spiritum Sanctum qui habitat in nobis

    Patres ante-Nicaeni · 2

    • Apocrypha of the New Testament (1)
    • Tertullian (1)

15. 15 scis hoc quod aversi sunt a me omnes qui in Asia sunt ex quibus est Phygelus et Hermogenes

    Patres ante-Nicaeni · 2

    • Tertullian (3)
    • Tertullian (1)

16. 16 det misericordiam Dominus Onesifori domui quia saepe me refrigeravit et catenam meam non erubuit

    Patres ante-Nicaeni · 2

    • Ignatius (2)
    • Origen (2)

17. 17 sed cum Romam venisset sollicite me quaesivit et invenit

18. 18 det illi Dominus invenire misericordiam a Domino in illa die et quanta Ephesi ministravit melius tu nosti

    Patres ante-Nicaeni · 3

    • Apocrypha of the New Testament (1)
    • Ignatius (2)
    • Tertullian (1)