2 ad Corinthios 5
-
1 scimus enim quoniam si terrestris domus nostra huius habitationis dissolvatur quod aedificationem ex Deo habeamus domum non manufactam aeternam in caelis
Patres ante-Nicaeni · 6
-
2 nam et in hoc ingemescimus habitationem nostram quae de caelo est superindui cupientes
Patres ante-Nicaeni · 2
-
3 si tamen vestiti non nudi inveniamur
Patres ante-Nicaeni · 1
-
4 nam et qui sumus in tabernaculo ingemescimus gravati eo quod nolumus expoliari sed supervestiri ut absorbeatur quod mortale est a vita
Patres ante-Nicaeni · 6
-
5 qui autem efficit nos in hoc ipsum Deus qui dedit nobis pignus Spiritus
Patres ante-Nicaeni · 1
-
6 audentes igitur semper et scientes quoniam dum sumus in corpore peregrinamur a Domino
Patres ante-Nicaeni · 3
-
7 per fidem enim ambulamus et non per speciem
Patres ante-Nicaeni · 2
-
8 audemus autem et bonam voluntatem habemus magis peregrinari a corpore et praesentes esse ad Deum
Patres ante-Nicaeni · 1
-
9 et ideo contendimus sive absentes sive praesentes placere illi
Patres ante-Nicaeni · 2
-
10 omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malum
Patres ante-Nicaeni · 7
-
11 scientes ergo timorem Domini hominibus suademus Deo autem manifesti sumus spero autem et in conscientiis vestris manifestos nos esse
-
12 non iterum nos commendamus vobis sed occasionem damus vobis gloriandi pro nobis ut habeatis ad eos qui in facie gloriantur et non in corde
-
13 sive enim mente excedimus Deo sive sobrii sumus vobis
-
14 caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt
-
15 et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexit
Patres ante-Nicaeni · 1
-
16 itaque nos ex hoc neminem novimus secundum carnem et si cognovimus secundum carnem Christum sed nunc iam non novimus
Patres ante-Nicaeni · 2
-
17 si qua ergo in Christo nova creatura vetera transierunt ecce facta sunt nova
Patres ante-Nicaeni · 7
-
18 omnia autem ex Deo qui reconciliavit nos sibi per Christum et dedit nobis ministerium reconciliationis
-
19 quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis
Patres ante-Nicaeni · 3
-
20 pro Christo ergo legationem fungimur tamquam Deo exhortante per nos obsecramus pro Christo reconciliamini Deo
Patres ante-Nicaeni · 1
-
21 eum qui non noverat peccatum pro nobis peccatum fecit ut nos efficeremur iustitia Dei in ipso
Patres ante-Nicaeni · 3