2 ad Corinthios 13
-
1 ecce tertio hoc venio ad vos in ore duorum vel trium testium stabit omne verbum
Patres ante-Nicaeni · 1
-
2 praedixi et praedico ut praesens bis et nunc absens his qui ante peccaverunt et ceteris omnibus quoniam si venero iterum non parcam
Patres ante-Nicaeni · 2
-
3 an experimentum quaeritis eius qui in me loquitur Christi qui in vos non infirmatur sed potens est in vobis
Patres ante-Nicaeni · 3
-
4 nam et si crucifixus est ex infirmitate sed vivit ex virtute Dei nam et nos infirmi sumus in illo sed vivemus cum eo ex virtute Dei in vobis
Patres ante-Nicaeni · 3
-
5 vosmet ipsos temptate si estis in fide ipsi vos probate an non cognoscitis vos ipsos quia Christus Iesus in vobis est nisi forte reprobi estis
Patres ante-Nicaeni · 1
-
6 spero autem quod cognoscetis quia nos non sumus reprobi
-
7 oramus autem Deum ut nihil mali faciatis non ut nos probati pareamus sed ut vos quod bonum est faciatis nos autem ut reprobi simus
-
8 non enim possumus aliquid adversus veritatem sed pro veritate
-
9 gaudemus enim quando nos infirmi sumus vos autem potentes estis hoc et oramus vestram consummationem
-
10 ideo haec absens scribo ut non praesens durius agam secundum potestatem quam Dominus dedit mihi in aedificationem et non in destructionem
Patres ante-Nicaeni · 1
-
11 de cetero fratres gaudete perfecti estote exhortamini idem sapite pacem habete et Deus dilectionis et pacis erit vobiscum
Patres ante-Nicaeni · 1
-
12 salutate invicem in osculo sancto salutant vos sancti omnes
Patres ante-Nicaeni · 2
-
13 gratia Domini nostri Iesu Christi et caritas Dei et communicatio Sancti Spiritus cum omnibus vobis amen
Patres ante-Nicaeni · 1