1 ad Corinthios 7
-
1 de quibus autem scripsistis bonum est homini mulierem non tangere
Patres ante-Nicaeni · 4
-
2 propter fornicationes autem unusquisque suam uxorem habeat et unaquaeque suum virum habeat
Patres ante-Nicaeni · 4
-
3 uxori vir debitum reddat similiter autem et uxor viro
Patres ante-Nicaeni · 2
-
4 mulier sui corporis potestatem non habet sed vir similiter autem et vir sui corporis potestatem non habet sed mulier
-
5 nolite fraudare invicem nisi forte ex consensu ad tempus ut vacetis orationi et iterum revertimini in id ipsum ne temptet vos Satanas propter incontinentiam vestram
Patres ante-Nicaeni · 6
-
6 hoc autem dico secundum indulgentiam non secundum imperium
Patres ante-Nicaeni · 3
-
7 volo autem omnes homines esse sicut me ipsum sed unusquisque proprium habet donum ex Deo alius quidem sic alius vero sic
Patres ante-Nicaeni · 6
-
8 dico autem non nuptis et viduis bonum est illis si sic maneant sicut et ego
Patres ante-Nicaeni · 3
-
9 quod si non se continent nubant melius est enim nubere quam uri
Patres ante-Nicaeni · 3
-
10 his autem qui matrimonio iuncti sunt praecipio non ego sed Dominus uxorem a viro non discedere
Patres ante-Nicaeni · 3
-
11 quod si discesserit manere innuptam aut viro suo reconciliari et vir uxorem ne dimittat
-
12 nam ceteris ego dico non Dominus si quis frater uxorem habet infidelem et haec consentit habitare cum illo non dimittat illam
Patres ante-Nicaeni · 3
-
13 et si qua mulier habet virum infidelem et hic consentit habitare cum illa non dimittat virum
-
14 sanctificatus est enim vir infidelis in muliere fideli et sanctificata est mulier infidelis per virum fidelem alioquin filii vestri inmundi essent nunc autem sancti sunt
Patres ante-Nicaeni · 5
-
15 quod si infidelis discedit discedat non est enim servituti subiectus frater aut soror in eiusmodi in pace autem vocavit nos Deus
Patres ante-Nicaeni · 1
-
16 unde enim scis mulier si virum salvum facies aut unde scis vir si mulierem salvam facies
Patres ante-Nicaeni · 1
-
17 nisi unicuique sicut divisit Dominus unumquemque sicut vocavit Deus ita ambulet et sic in omnibus ecclesiis doceo
Patres ante-Nicaeni · 2
-
18 circumcisus aliquis vocatus est non adducat praeputium in praeputio aliquis vocatus est non circumcidatur
Patres ante-Nicaeni · 1
-
19 circumcisio nihil est et praeputium nihil est sed observatio mandatorum Dei
-
20 unusquisque in qua vocatione vocatus est in ea permaneat
Patres ante-Nicaeni · 1
-
21 servus vocatus es non sit tibi curae sed et si potes liber fieri magis utere
Patres ante-Nicaeni · 1
-
22 qui enim in Domino vocatus est servus libertus est Domini similiter qui liber vocatus est servus est Christi
-
23 pretio empti estis nolite fieri servi hominum
-
24 unusquisque in quo vocatus est fratres in hoc maneat apud Deum
-
25 de virginibus autem praeceptum Domini non habeo consilium autem do tamquam misericordiam consecutus a Domino ut sim fidelis
Patres ante-Nicaeni · 4
-
26 existimo ergo hoc bonum esse propter instantem necessitatem quoniam bonum est homini sic esse
Patres ante-Nicaeni · 1
-
27 alligatus es uxori noli quaerere solutionem solutus es ab uxore noli quaerere uxorem
Patres ante-Nicaeni · 3
-
28 si autem acceperis uxorem non peccasti et si nupserit virgo non peccavit tribulationem tamen carnis habebunt huiusmodi ego autem vobis parco
Patres ante-Nicaeni · 3
-
29 hoc itaque dico fratres tempus breve est reliquum est ut qui habent uxores tamquam non habentes sint
Patres ante-Nicaeni · 7
-
30 et qui flent tamquam non flentes et qui gaudent tamquam non gaudentes et qui emunt tamquam non possidentes
Patres ante-Nicaeni · 3
-
31 et qui utuntur hoc mundo tamquam non utantur praeterit enim figura huius mundi
Patres ante-Nicaeni · 7
-
32 volo autem vos sine sollicitudine esse qui sine uxore est sollicitus est quae Domini sunt quomodo placeat Deo
Patres ante-Nicaeni · 3
-
33 qui autem cum uxore est sollicitus est quae sunt mundi quomodo placeat uxori et divisus est
-
34 et mulier innupta et virgo cogitat quae Domini sunt ut sit sancta et corpore et spiritu quae autem nupta est cogitat quae sunt mundi quomodo placeat viro
Patres ante-Nicaeni · 5
-
35 porro hoc ad utilitatem vestram dico non ut laqueum vobis iniciam sed ad id quod honestum est et quod facultatem praebeat sine inpedimento Dominum observandi
Patres ante-Nicaeni · 4
-
36 si quis autem turpem se videri existimat super virgine sua quod sit superadulta et ita oportet fieri quod vult faciat non peccat nubat
Patres ante-Nicaeni · 1
-
37 nam qui statuit in corde suo firmus non habens necessitatem potestatem autem habet suae voluntatis et hoc iudicavit in corde suo servare virginem suam bene facit
Patres ante-Nicaeni · 1
-
38 igitur et qui matrimonio iungit virginem suam bene facit et qui non iungit melius facit
Patres ante-Nicaeni · 4
-
39 mulier alligata est quanto tempore vir eius vivit quod si dormierit vir eius liberata est cui vult nubat tantum in Domino
Patres ante-Nicaeni · 6
-
40 beatior autem erit si sic permanserit secundum meum consilium puto autem quod et ego Spiritum Dei habeo
Patres ante-Nicaeni · 2