1 ad Corinthios 6
-
1 audet aliquis vestrum habens negotium adversus alterum iudicari apud iniquos et non apud sanctos
Patres ante-Nicaeni · 4
-
2 an nescitis quoniam sancti de mundo iudicabunt et si in vobis iudicabitur mundus indigni estis qui de minimis iudicetis
Patres ante-Nicaeni · 4
-
3 nescitis quoniam angelos iudicabimus quanto magis saecularia
Patres ante-Nicaeni · 3
-
4 saecularia igitur iudicia si habueritis contemptibiles qui sunt in ecclesia illos constituite ad iudicandum
Patres ante-Nicaeni · 1
-
5 ad verecundiam vestram dico sic non est inter vos sapiens quisquam qui possit iudicare inter fratrem suum
-
6 sed frater cum fratre iudicio contendit et hoc apud infideles
-
7 iam quidem omnino delictum est in vobis quod iudicia habetis inter vos quare non magis iniuriam accipitis quare non magis fraudem patimini
Patres ante-Nicaeni · 3
-
8 sed vos iniuriam facitis et fraudatis et hoc fratribus
-
9 an nescitis quia iniqui regnum Dei non possidebunt nolite errare neque fornicarii neque idolis servientes neque adulteri
Patres ante-Nicaeni · 7
-
10 neque molles neque masculorum concubitores neque fures neque avari neque ebriosi neque maledici neque rapaces regnum Dei possidebunt
Patres ante-Nicaeni · 2
-
11 et haec quidam fuistis sed abluti estis sed sanctificati estis sed iustificati estis in nomine Domini nostri Iesu Christi et in Spiritu Dei nostri
Patres ante-Nicaeni · 4
-
12 omnia mihi licent sed non omnia expediunt omnia mihi licent sed ego sub nullius redigar potestate
Patres ante-Nicaeni · 2
-
13 esca ventri et venter escis Deus autem et hunc et haec destruet corpus autem non fornicationi sed Domino et Dominus corpori
Patres ante-Nicaeni · 5
-
14 Deus vero et Dominum suscitavit et nos suscitabit per virtutem suam
Patres ante-Nicaeni · 6
-
15 nescitis quoniam corpora vestra membra Christi sunt tollens ergo membra Christi faciam membra meretricis absit
Patres ante-Nicaeni · 4
-
16 an nescitis quoniam qui adheret meretrici unum corpus efficitur erunt enim inquit duo in carne una
Patres ante-Nicaeni · 1
-
17 qui autem adheret Domino unus spiritus est
Patres ante-Nicaeni · 2
-
18 fugite fornicationem omne peccatum quodcumque fecerit homo extra corpus est qui autem fornicatur in corpus suum peccat
Patres ante-Nicaeni · 4
-
19 an nescitis quoniam membra vestra templum est Spiritus Sancti qui in vobis est quem habetis a Deo et non estis vestri
Patres ante-Nicaeni · 6
-
20 empti enim estis pretio magno glorificate et portate Deum in corpore vestro
Patres ante-Nicaeni · 6